MPR News Soomaali (MPR News Somali) Live
BBC Ogaal iyo MPR News ayaa dadka reer Minnesota wararka caalamiga ah iyo kuwa gobolada ku siiya Soomaali. (BBC’s Ogaal and MPR News provide global and regional news for Minnesotans in Somali.)
-
Sawirro: Taariikh nololeedka Winnie Mandela
Dib u eegista Taariikh nololeedkii Winnie Mandela oo ahayd qof ka soo horjeedday Midab takoorka, waxa ay dhimatay iyadoo ay da'deedu tahay 81 jir. -
Spain: Maroodi xayiray isu socodka gaadiidka waddo Muhiim ah
Shan Maroodi ayaa sababtay in ay xiraan waddo weyn oo ku taallo koonfur bari Spain kadib markii ay ka soo baxsadeen gaari ay ku jireen kaas oo burburay. -
Jawaari: Farmaajo ayaa qeyb ka ah khilaafka baarlamaanka
Jawaari oo shir jaraa'id ku qabtay Muqdisho ayaa sheegay inuu ku gacan seyray dalab loo soo jeediyay oo ahaa inuu iscasilo. -
Israa'iil oo baajisay musaafurinta qaxooti Afrikan ah
Israa'iil ayaa baajisay oo meesha ka saartay qorshihiii ay ku doonaysay in ay ku dhoofiso muhaajiriinta Afrikanka ah ee dalkaasi ku nool. -
Ruushka: ficillada reer galbeedku waa sheeko carruureed
Wasiirka arrimaha dibadda ee Ruushka , Sergei Lavrov,ayaa sheegay in wadamada reer galbeedka ay wadaan sheeko caruureed marka ay Ruushka ku eedeeynayaan in ay sumeeyeen nin horey uga tirsanaa sirdoonkooda. -
Xaaskii hore ee Mandela, Winnie Mandela oo geeriyootay
Haweenaydii u ololeyn jirtay dagaalkii ka dhanka ahaa midib takoorkii Koonfur Afrika Winnie Mandela ayaa geeriyootay iyada oo ay da'deedu tahay 81 jir, waxaa sidaasi sheegay kaaliyaheeda gaarka ah. -
Tifaaftire Hindi ah oo loo xiray in uu been ka qoray Muslimiin
Tifaaftire bar internet oo Hindiya ka soo baxda ayaa xabsi la dhigay, isaga oo ku eedaysan in uu baahiyay war been ah oo ku saabsan in ay dad Muslimiin ah weerareen wadaad diinta Jain rumaysan. -
Dublamaasigu basaas ma noqdaa?!
Theresa May, ra'isal wasaaraha Ingiriisku, waxay sheegtay in Britain laga eryay 23 dublamaasi oo Ruush ah oo ahaa "saraakiil nabad sugidda ka tirsan". Si kale hadii loo dhigana waxay u jeedaa in ay yihiin "basaasiin". -
Todoba qof ayaa lagu dilay mudaharaadka ka socda xadka Qasa, Israel
Falastiiniyiinta Qasa ayaa iyagoo kumanaan qof ah socod bannaan bax ah ugu dhaqaaqay xadka Israel oo ay ku bilaabayaan mudaharaaddo lix todobaad socon doona. -
Nin Muslimiin masaajid ku laayay oo dambigiisa qirtay
BBC News Somali: Nin reer Canada ah oo lagu eedeeyay in uu dilay lix ruux oo Muslimiin ah oo ku cibaadaysanayay masaajid ku yaalla Quebec sannadkii 2017kii ayaa qirtay dhamaan dacwadihii loo haystay, -
Amakaag: Maroodi afka qiiq ka sii daynaya!
Muuqaal laga duubay maroodi ku nool dalka India oo muujinaya maroodigaas oo dambas afuufaya, oo la moodo in uu qiiq afka ka sii daynayo ayaa amakaag ku noqday khubarada aduunka ee daryeelka duur joogta. -
Koox bilayska Soomaalida-Mareykanka ah ayaa sheegaya in Noor loola dhaqmay si gooni ah
Mukhtar M. Ibrahim, MPR News [In English]Dhowr cisho ka dib markii sarkaal ka tirsanaa bilayska Minneapolis Mohamed Noor uu toogasho ku dilay Justine Ruszczyk July-dii hore, ayay Taliyahii Bilayska Minneapolis ee xilligaas Janee Harteau ku tilmaantay go'aanka Noor uu wax ku toogtay inuu yahay "fal uu hal shaqsi geystay", iyadoo falka sarkaalka ka fogeynaysay waaxda bilayska.Waxay ahayd talaabo aan caadi ahayn in madaxa bilayska ay dhaleeceeyso mid ka mid ah askarteeda. Saraakiisha Soomaalida Maraykanka ayaa hoosta ka xariiqday jawaabta waaxda — iyo, ka dib, jawaabaha ka yimid ururka bilayska iyo xafiiska xeer ilaaliyaha.
"Ma dareemeyno in sarkaal Noor loola dhaqmey si la mid ah sidii loola dhaqmay saraakiishii kale ee ku jiray xaalad la mid ah tiisa," Waxiid Siraaj, oo ah afhayeenka Ururka Bilayska Soomaalida-Maraykanka, ayaa sheegay Jimcihii, maalmo yar kadib markii Noor, oo xubin ka ahaa ururka, dacwad lagu soo oogay.
Maalmo ka dib markii toogashadu dhacday, Lt. Bob Kroll, madaxa Isutagga Saraakiisha Bilayska ee Minneapolis, ururka matala in ka badan 800 askari oo saraakiisha hoose ah, wuu ka aamusnaa.
Waxay ahayd arrin aan caadi u aheyn madaxa ururka bilayska oo aan inta badan ka gabban in uu difaaco askarta lagu soo eedeeyay anshax xumada.
Bishii December, Xeer Ilaaliyaha Hennepin County Mike Freeman ayaa laga duubay fiidiyoow isagoo ka hadlaya kiiska kadib markii Hay’adda Joojinta Dambiyada ee Gobolka Minnesota ay baaritaankoodii ku wareejiyeen isaga.
"Ii aamina," ayuu ku yidhi koox ka mid ah xubnaha ururka intii lagu guda jiray xaflad ciid oo ay isugu yimaadeen Isutagga Shaqaalaha Gobolka ee Minneapolis, "cidna sidayda oo kale uma doonayso inay u sameyso Kirismaska. Taasina … taasi waa hadiyadda ugu weyn ee aan jecelahay inaan ku hoos arko geedka Kirismaska."Hadalka Freeman uu ku yidhi fiidiyowga ayaa yimid ka dib markii mid ka mid ah dhaqdhaqaaqayaasha joogay fagaaraha xafladda uu waydiiyay sababta uusan weli u soo oogin dacwad ka dhan ah Noor.
"Waa in aan hayo caddaynta, mana hayo weli, aan dhahana, ma ahan khalad aan anigu leeyahay" ayuu Freeman ku sheegay fiidiyaha. "Marka haddii aysan ahayn khaladkeyga, yaan shaqadooda qabsanin? ... Baadhayaasha, mana ii shaqeeyaan aniga. Shaqadoodana ma aysan qabsan."Waxay ahayd arrin aan caadi ahayn in xeer-ilaaliye sare uu si fagaare ah uga hadlo baaritaan socda.
Bilayska Soomaalida-Maraykanka ah ee la shaqeeya Noor ayaa mar kale meel ku qortay taas.
"Waxaan aaminsannahay sida kiiskan loo wajahay iyo sida wali ay ay u wajahayaan hoggaanka sare ee Minneapolis iyo xafiiska Freeman inay xaqiiqdii dhalinayso su'aalo ku saabsan in jinsiyad ay kaalin ka qaadatay kiiskan," ayuu yidhi Siraaj. "Waxay bilaabeen inay faallo ka bixiyaan kiiskan muddo dheer ka hor inta aan la bilaabin baadhitaanka, intii lagu jiray baadhitaanka, iyo xitaa baadhitaankii ka dib."
Talaadadii, Freeman wuxuu ku dhawaaqay in uu Noor ku soo oogayo dacwooyin dilka heerka saddexaad ee ula kaca ah iyo dilka heerka labaad ee aan ula kaca ahayn. Go'aanka ayaa yimid ku dhawaad laba bilood ka dib markii xeer ilaaliyuhu uu horgeeyay kiiska xeer-beeg garsoor, taasoo ah shay uu Freeman wacad ku maray 2015-kii inuusan ku sameyneyn kiisaska ku saabsan dilalka ay bilaysku geystaan.
"Sida uu qareenkan degmo-weynta u wajahay kiiskan waa mid gebi ahaanba cusub sababtoo ah colaadda iyo naxariis la'aanta uu ku raad-raacey oo uu u dabagalay askari Noor," ayuu yidhi Siraaj. "Freeman, ka dib markii baadhitaanadii BCA la dhammeeyey oo uusan jeclaysan shaqada ay baadhayaashu qabteen, wuxuu go'aansaday inuu isku keeno xeer-beeg garsoor."
Ururka Bilayska Soomaalida-Maraykanka ayaa sheegay in askarta bilayska ee Soomaalida ah “ay aaminsan yihiin in ugu yaraan ay jirto in si dadka kale ka duwan in loola dhaqmay.” Waxa uu barbar dhigay Kiiska Noor toogashooyin kale oo bilaysku gaystay oo dhawaan ka dhacay Magaalooyinka Mataanaha ah. Jamar Clark, oo ahaa 24 jir nin madow ah, ayaa waxaa 2015-kii toogasho ku dilay askari caddaan ah oo ka tirsanaa bilayska Minneapolis. Sidoo kale 2016-kii, Philando Castile, oo ahaa nin madow ah oo jiray 32, ayaa waxaa toogasho ku dilay askari ka tirsan bilayska St. Anthony oo asal ahaan ka soo jeeda Mexico."Farqiga kaliya ee u dhexeeya toogashooyinkaas iyo toogashadan ayaa ah in qofka geeriyooday ee kiiskan ay tahay haweenay caddaan ah oo sarkaalka ku lug lahaa kiiskana uu yahay askari madow," ayuu yidhi. "Taa kaliya maahee, sidoo kale waa Muslim, waana Soomaali. Waxaan dareensannahay inay jiraan ujeedooyin kale oo ay lahaan karaan Xafiiska Xeer-Ilaaliyaha Hennepin County."Afhayeen u hadlay Xafiiska Xeer-Ilaaliyaha Hennepin County ayaa sheegay Jimcihii inaysan faallo ka bixinayn maadaama uu kiisku socdo.
Afhayeenka Bilayska Minneapolis John Elder ayaa sheegay in uu ka xun yahay in [ururka] ay rumaysan yihiin in tani ay tahay mid cunsuriyad ku lug leh."
Kroll, oo ah madaxa ururka bilayska, ma uusan ka soo war celin codsi ah in uu faallo ka bixiyo.
Ururka Bilayska Soomaalida-Maraykanka, oo ay aasaaseen 2012-kii shan askari oo reer Minnesota ah, ayaa hadda leh 36 xubnood oo waddanka oo dhan ah. Kuwaas toddoba ka mid ah ayaa hadda ah askar ka tirsan Waaxda Bilayska ee Minneapolis.Siraaj wuxuu sheegay in uu ka baqayo in sida kiiska uu u socdo ay saameyn ku yeelan karto shaqaaleynta askarta mustaqbalka ee Soomalida ah ee waaxaha bilayska."Waxaa durbadiiba isoo waca rag iyo haween dhallinyaro ah ee aan ogahay in ay ku jiraan jaamacad, oo barta sharci ilaalinta oo aad uga walaacsan waxa ku dhacaya Sarkaal Noor," ayuu yidhi. "Qaar ka mid ah xitaa waxay sheegeen in aanay hubin inay doonayaan inay sii wadaan inay waddadan ku socdaa iyo in kale." -
Xildhibaanad lagu dilay Muqdisho
Xildhibaanad Ruqiyo Abshir oo ka mid ahayd baarlamaanka maamul goboleedka Koofur galbeed Soomaaliya ayaa caawa 8dii fiidnimo waxay dabley ku dileen degmada Shibis ee magaalada Muqdisho. Geerida xildhibaannadda waxaa BBC u xaqiijiyey wasiirka warfaafinta ee maamulka Koofur galbeed, Ugaas Xasan Cabdi Maxamed. -
Darbiga ay Kenya ka dhisaysay xudduudda oo la joojiyey
Wararka ka imaanaya magaalada Mandheera ayaa sheegaya in halkaas ay kulan ku yeesheen mas'uuliyiin ka socotay maamulka gobolka Gedo iyo madaxda amniga Kenya ee gobolka. Labada dhinac waxa ku heshiiyeen in la joojiyo dhismaha darbiga muranka dhaliyey ee Kenya ay dhisayso. -
Atariisho loogu goodiyay "in ay faraha kala baxdo Trump"
Haweenay ku caanbaxday jilitaanka aflaanta galmada ah ayaa sheegtay in loo digay oo loo sheegay in ay ka aamusto eedaymaha ay jeedisay ee sheegaya in ay la seexatay Donald Trump. -
Ruushka: 64 ruux oo carruur ku jirto ayaa dabka ku dhintay
SomaliUgu yaraan 64 qof ayaa lagu soo warramayaa in ay ku dhinteen xarun laga dukaamaysto oo ku taalla magaalda Kemerovo ee gobolka Siberia ee dalka Ruushka. -
Weerar dumar lagu sumeeyey oo ka dhacay Muqdisho
BBC News Somali: Weerarkan ayey dadka qaarkood waxay ku tilmaameen inuusan ahayn mid caadi ah. Qaar ka mid ah gabdhahaas xaaladdooda waxaa la soo sheegay in ay liidato, sida laga soo xigtay mas'uuliyiin ka tirsan maamulka gobolka Banaadir. -
Gabdho iskuuleey ah oo afdauub loogu haystay Nigeria oo la sii daayay
SomaliQaar badan oo ka mid ah gabdhihii ay maleeshiyaadka Boko xaaraam ka afduubteen magaalada Dapchi ayaa dib loo soo celiyay sida ay xaqiijinyeen dadka deegaanka oo la hadlay BBC-da. -
Dacwad dil oo lagu soo oogay Mohamed Noor, askarigii dilay Justine Ruszczyk
Jon Collins, Riham Feshir, Mukhtar M. Ibrahim, Brandt Williams MPR News [In English]
Mohamed Noor, oo askari ka ah Minneapolis, ayaa lagu soo oogay dacwad dil darajada saddexaad ah oo la xidhiidha toogashadii uu xagaagii hore ku dilay Justine Ruszczyk oo soo wacday 911.Noor ayaa Talaadadii isdhiibay ka dib markii amar xadhig ah loo jaray, sida uu sheegay Xafiiska Hennepin County Sheriff. Noor waxaa lagu xidhay xabsiga Hennepin County. Noor wuxuu wajahayaa dacwad dil darajada saddexaad ah iyo sidoo kale dacwad dil aan ula kac ahayn oo darajada labaad ah.Ma “jirin caddayn ah inuu askari Noor la kulmay wax khatar ah, qiimeeyay khatar… ama xaqiijiyay khatar qiil u yeeleeysay go’aankiisii ahaa inuu adeegsado awood dilaa ah,” ayuu Freeman Talaadadii ku yidhi warfidiyeenka. “Taa baddalkeed, wuxuu askari Noor si taxaddar la’aan ah oo ulakac ah u riday qorigiisii isagoo dilay Ruszczyk.Sharciga Minnesota wuxuu bilayska siinayaa xorriyad balaadhan oo ay ku adeegsadaan awood dilaa ah marka ay ku jiraan xaalad ay ka baqaan in la dilo ama ay dad kale ku jiraan halis. Freeman, hase yeeshee, wuxuu sheegay inuu Noor “ku xadgudbay awoodiisii isticmaalka xoogga dilaaga ah.”Freeman wuxuu sidoo kale wax ka sheegay askar Minneapolis ka tirsan oo aan la magacaabin kuwaas oo uu sheegay inaysan markii hore kala shaqeeyn baadhitaankiisii, taasoo sida uu sheegay ku kaliftay inuu abaabulo xeer-beeg isticmaalana awooddiisa baadhitaan.Warbixin ay soo saareen qoyska Ruszczyk ayay ku taageereen go’aanka dacwad oogista:“Ma jirto dacwad oogid noo soo celineeysa Justine. Hase ahaatee, caddaaladdu waxay amreeysaa la-xisaabtanka kuwa mas’uulka ka ah inay si taxaddar la’aan ah u dilaan muwaadiniinta loo dhaarshay inay ilaaliyaan, falka maanta ayaana muujinaya.” -
Trump oo dalbaday in dil lagu xukumo dadka daroogada ka ganacsada
BBC News Somali: Madaxweynaha Maraykanka Donald Trump ayaa ku baaqay in dil lagu xukumo dadka daroogada ka ganacsada, arrintaas oo qayb ka ah qorshaha uu wax ooga qabanayo daroogada. -
Gabar kalluumeysato noqotay ka dib markii aabeheed uu dhintay
SomaliRayaan oo 18 sano jir ah waxay noqotay gabar kalluumeysato ah ka dib markii aabeheed uu dhintay, waxayna qaatay masuuliyadda qoyskeeda. -
Wasiirka arrimaha gudaha Jarmalka “Islaamka boos kuma lahan dalkan”
SomaliHoggaamiyaha Jarmalka ayaa sanadkii 2015-kii sheegtay in ay aaminsantahay in Islaamka uu qeyb ka yahay Jarmalka. -
Toban su'aalood oo kaa caawin kara in aad fahanto xaaladda Suuriya
SomaliKu dhawaad 400,000 oo qof oo rayid ah ayaa wali ku go'doonsan gudaha deegaannada uu mucaaradka maamulo ee bariga Quuda oo u dhow caasimadda dalka Suuriya ee Dimishiq. -
3 lagu soo eedeeyay qaraxii masaajidka Bloomington
Mukhtar M. Ibrahim, MPR News [In English]Saddex nin oo ka soo jeeda badhtamada Illinois ayaa la xidhay laguna soo oogay dacwo la xidhiidha qarxinta masaajid ku yaala Magaalooyinka Mataamaha ah Agoostadii hore iyo isku-day qarxinta xarun caafimaad oo ilmaha lagu soo rido oo ku taala Illinois.Michael B. Hari, 47 jir, Michael McWhorter, 29 jir iyo Joe Morris, 22 jir, ayaa lagu soo oogay dacwo ah inay “walxaha qarxa u isticmaaleen inay si xasadnimo ah u burburiyaan una jajabiyaan” Xarunta Islaamka Dar al Farooq oo ku taala Bloomington, sida uu sheegay Xafiiska Xeer-ilaaliyaha ee Minnesota.Nimanka waxaa badhtamaha-bari ee Illinois lagu qabtay subaxnimadii Talaadada iyagoo lagu soo eedeeyay inay haysteen qoriga darandoorriga u dhaca. Waxaa sidoo kale lagu soo eedeeyay inay Nofembar isku dayeen qarxinta Xarunta Caafimaadka Dumarka oo ku taala Champaign, Illinois.Qof ayaa ku wargaliyay hay’adaha amniga inuu maqlay kooxda oo ka wada hadleeysa sidii ay qarax tuubo ku jira ugu tuureen masaajidka. Hari ayay ahayd inuu Morris iyo McWhorter $18,000 ku siiyo ka qeyb qaadashadii qaraxa.Waxay raggu baabuur kaga yimaadeen guryahoodii Illinois illaa Minnesota waxayna ku heshiiyeen in Morris uu jajabin doono daaqadaha masaajidka halka uu McWhoter-na bamka ka tuuri doono daaqadda masaajidka, siday ay dhigeen dukumentiyadii eedeeynta.Sida la sheegay wuxuu McWhoter u sheegay sarkaal FBI ah inuusan u dan lahayn inuu Muslimiin laayo, balse uu rabay uun “inuu cabsi galiyo oo dalka ka eryo.”Sida ay dhigeen dukumentiyada dacwada, McWhoter wuxuu sheegay in Morris uu daaqadda masaajidka ku jajabiyay dubbe uuna shiday bam budo madow ah oo “aad u weyn.” Ka dib markii uu bambada ku dhex tuuray masaajidka, wuxuu McWhorter sheegay inuu arkay nin “toos isaga u soo eegaya.”“Iyadoo aan qarxin ayaan muddo meesha ka sii maqneeyn,” ayuu yidhi McWhorter.Qaraxa masaajidka ayaa dhacay aroornimadii hore ee Agoosto 5-teedii, xilli ay dadkii cibaadeeysanayay isugu soo urureen salaadda subaxa hore ee Fajarka.Cidina kuma dhaawacmin, balse qaraxu wuxuu toosiyay jaarka wuxuuna wayeeleeyay xafiiska iimaamka.Jaylani Xuseen, maamulaha sare ee qeybta Minnesota ee kooxda u doodda Muslimiinta iyo xorriyadaha madaniga ah ee Golaha Xidhiidhka Maraykana iyo Muslimka, ayaa soo dhoweeyay akhbaarta xadhigga.Guddoomiyaha Gobolka Mark Dayton ayaa ku tilmaamay “fal argagixiso.”“Qaraxaasi wuxuu musiibo u ahaa dhammaan reer Minnesota,” ayuu yidhi Greg Booker, oo ah Xeer-ilaaliyaha ku-simaha ah ee Minnesota.Maxamed Cumar, oo ah maamulaha sare ee xarunta, ayaa sheegay in xilliga la qarxinayo uusan masaajidku hore u helin wax hanjabaado ah ama cid mas’uuliyadda sheegata ka dib. Waxay FBI-du abaal-marin $30,000 ah u ballan-qaadday ciddii keenta wixii macluumaad ah oo horseeda in qaraxa cid loo xukumo.Associated Press ayaa warbixintan qeyb ka qaatay. -
Liibiya oo ku raad-joogta 205 ‘Magafeyaal’ ah
BBC News SomaliShabakadan wax tahriibisa ayaa ka kooban muqalasiin, saraakiil amni, madaxda xerooyinka dadka soogalootiga ah iyo saraakiil ka tirsan safaaradaha Afrikaanka ah . -
Maraykanka oo Ruushka ku eedeeyay hagardaamo
BBC News SomaliDowladda Maraykanka ayaa is barbar taagay dowladda Britain, kuna eedeeyay Ruushka in ay halis galinayaan ammaanka adduunka. -
UK oo dalkeeda ka eriday 23 dublamaasiyiin Raashiyaan ah
BBC News Somali: Waxa kale oo ay Britain la laabatay casuumaad horey loogu fidiyay wasiirka arrimaha dibedda Ruushka. -
Baadhitaan: Dhibaatooyin ku raagay xafiiska laga dacweeyo silcinta waayeelka
Brian Bakst, MPR News [In English]
Warbixin aad u dhaliileeysa Xafiiska Minnesota ee Dacwooyinka Xarumaha Caafimaadka ayaa caddeysay in dhibaatooyin ka jira hannaanka baadhitaannada iyo maamulka oo aan kalsooni lagu qabin inay sababeen sida liidata ee looga jawaabo dacwooyinka silcinta.
Baadhaha Baarlamaanka Jim Nobles ayaa Talaadadii soo saaray warbixinta dheer ka dib dib-u-eegid sannad ku dhow ah oo uu xafiiskiisu sameeyay. Baadhayaashu waxay qoraalka ku soo bandhigeen gaabis ka jira kaydinta diiwaanka, baadhayaal culaysku ka batay, shaqaalo aan hakanayn iyo niyad-jab ka jira xafiiska loo sameeyay inuu kormeero xarumaha caafimaadka ee u sharciyeeysan inay xannaaneeyaan waayeelka nugul.
“Dhibaatooyinka ka jira OHFC waa kuwo xididaystay oo baahsan waxayna ka jireen muddo dheer,”ayuu Nobles ku yidhi guddi Aqalka Hoose ee Minnesota ah oo qiimeeynayay warbixinta. “Waxay sal ku leeyihiin maamul xumo loo dulqaatay oo muddo dheer la iska dhaga tiray.”Eedeeymaha soo gaadhaya xafiiska xarumaha caafimaadka ayaa kordhay sanadihii la soo dhaafay, iyagoo ka sara maray 24,000 sannadkii ugu dambeeyay ee ay qiimeeyeen baadhayaashu. Tiradaasi waxay ka badatay qiyaastii 15,700 oo ay ahayd shan sano ka hor. Inkasta oo maalgelinta xafiiska iyo shaqaalihiisuba ay kor u kaceen, haddana kuma filnaan hawsha u taala. Baadhayaasha qaar waxaa ku qoran 40 dacwo oo furan, kuwaas oo aad uga badan hadafkii ahaa 15-ka.Tani waxay qeyb ka noqotay shaqaalaha sida xad-dhaafka ah isku baddalaya. Shaqaaluhu waxay sidoo kale baadhayaasha ugu sheegeen sahanka inaysan qabin tababar ku filan.“Waxaan dareemayaa in la ila maagay inaan fashilmo, oo aanan marnaba qabatimeeyn,” ayuu mid ka mid ah u sheegay baadhayaasha.
Baadhayaashu waxay sheegeen in dhibaatada kale ee jirta ay tahay hannaanka kormeerka oo isku duuban una dhexeeya dhowr hay'adood oo gobolka iyo degmo-weynnada ah, taas oo adkeeysay sidii loo fahmi lahaa midda mas'uulka ka ah wax-ka qabashada dacwooyinka iyo ciqaab ku soo rogidda silcinta.
Baadhitaanka ayaa qeyb ka ah fiiro dheeraad ah oo sannadkan loo yeeshay silcinta waayeelka iyo sida uu gobolku u wajaho. Silcintu waxay noqon kartaa jirdil, cabsiin, dayac ama khiyaano lacageed.Judy Randall, oo ah hoggaanka xisaabiyayaasha, ayaa sheegtay inay kooxdeedu u raaceen baadhayaasha booqashooyinka xarumaha iyo tallaabooyinka kale ee baadhitaanka iyagoo arkay inay shaqaalahaasi xiiso u qabaan daacadna u yihiin shaqadooda. Waxayse sheegtay inay dhibaatooyinku qaateen muddo dheer inta “ay illaa heerkan xumaanayeen”ayna qaadan doonto muddo dheer inta laga hagaajinayo.Warbixintu waxay talo ku bixisay in sharci-dajiyeyaashu ay sameeyaan kormeer dheeraad ah dalbadaanna warbixinno dheeraad ah oo ku aaddan shaqada sida loo wado. Waxay sidoo kale yidhaahdeen waa in gobolku ka fekero nidaam cusub oo lagu ganaaxo xarumaha lagu caddeeyay eedeeymaha. Wuxuu sidoo kale yidhi bukaanka iyo bukaanka isqori raba waa inay heli karaan macluumaad ku saabsan eedeeymaha laga soo gudbiyay xarumaha iyo waxa laga qabtay.Guddoomiyaha Waaxda Caafimaadka Jan Malcolm, oo bil kaliya shaqada haysay, ayaa warbixinta ku tilmaantay “cajiib”iyo “mid aad u faa'iido badan.”
“Waxaan raacsanahay mid walba oo ka mid ah, ugu yaraan marka laga eego ujeedka iyo qiimaha talooyinka,”ayay Malcolm ku tidhi xildhibaannada.
Waxay sheegtay in hay'adda, oo la shaqeeyneeysa Waaxda Adeegyada Dadka, ay qaadatay tallaabooyin lagu yareeynayo dacwooyinka isgaadhay oo aan la xallin. Waxay sheegtay in dhamaan 2,300 oo dacwo oo la soo qortay bilowga sannadka horena aan loo eegin hadda la wada aqriyay, ayna socdaan baadhitaanno badan oo xeeldheer. Guddoomiyuhu waxay sheegtay in la meel mariyay nidaam cusub oo lagu maamulo qoraallada si loo hagaajiyo maareeynta cabashooyinka ka badan 400 oo usbuuc walba la soo gudbiyo.“Shaqadani way bilaabatay laakiin lama dhammeeyn,”ayay tidhi Malcolm, iyadoo sheegtay in hay'addeedu diyaar u tahay talooyinka xildhibaannada iyo saamileeyda kale ee ay khuseeyaan hawlaha xarumaha daryeelka. -
Shan cashar oo Kim Jon-un uu ka baran karo Trump
BBC News Somali: Bishii June ee sanadkii 2017-kii, ninka lagu magacaabo Dennis Rodman oo ah ciyaaryahan caan ah oo u dhashay dalka Maraykanka ayaa booqasho ugu tagay Kim Jong-un oo ay saaxiibo dhow yihiin. -
Mareykanka oo cambaareeyay xaaladda degdeg ah ee lagu soo rogay Itoobiya
BBC Somali: Xoghayaha arrimaha dibadda ee Mareykanka , Rex Tillerson, ayaa cambaareeyay xaaladda degdega aha ee ay xukuumadda Itoobiya ku soo rogtay dalkaasi. -
Soomaaliya oo qarka u saaran macluul kale
BBC Somali: Hay'adda arrimaha Qaxootiga ee laga leeyahay Norway ee NRC ayaa ka digtay macluul kale oo Soomaaliya ku soo food leh. -
Trump: Dagaalka ganacsiga waa mid wanaagsan
BBC Somali: Madaxweynaha Mareykanka, Donald Trump ayaa waxaa uu sheegay in '' dagaalka ku saleysan ganacsiga uu yahay mid wanaagsan''. Hadalka Trump ayaa imanaya iyadoo buuq uu ka taagan yahay go'aanka uu ku doonayo inuu canshuur kusoo rogo macdanta Naxaasta iyo qallinka ee la geeyo Mareykanka. -
Jaaliyadaha Oromada iyo Soomaalida ee Maraykanka oo go'aano soo saaray
BBC Somali: Waxaa magaalada Minneapolis ee dalka Maraykanka lagu qabtay, kulan ay isugu yimaadeen jaaliyadaha qoomiyadaha Oramada Iyo Somalida. Kulankan oo ay soo qaban qaabiyeen gudiyo ka kooban labada dhinac oo horay loogu xilsaaray in ay soo qiimeeyaan qasaarihii ka dhashay isku dhacyadii labada qoomkiyadood ku dhaxmaray deegaano ka tirsan wadanka Ethiopiya, ayaa waxaa looga hadlay arimo badan oo ay ka midyihin in gargaar la gaadhsiiyo dadkii ku wax yeeloobay isku dhacyadaasi. -
Maxaabiis Alshabaab ah oo ka baxsaday xarun ku taala Garoowe
BBC Somali: Lama oga qaabka ay u baxsadeen, laakiin waxaa la sheegay in la xirxiray askartii waardiga ku jirtay markii ay dadka baxsanayeen qaarkood. -
Dayton oo ku dadaali doona shatiyada soogalootiga, isbaddalo canshuureed
Gov. Mark Dayton Scott Takushi/Pioneer Press via AP Tim Pugmire, MPR News [In English]
Guddoomiyaha Gobolka Mark Dayton ayaa sheegay Arbacadii inuu kalfadhigan mar kale xoogga saari doono in loo oggolaado soogaalootiga aan sharciyeeysnayn inay helaan shatiyada darawalnimada ee Minnesota.
Xildhibaannada ayaa sannadkii hore soo saaray amar ka horjoogsanaya maamulka inay tallaabada caynkaas ah qaadaan. Dayton wuxuu xilligaas ku dooday in amarkaasi ahaa mid aan loo baahneeyn, sababtoo ah waxaa loo baahan yahay sharci barlamaanku ku oggolaanayo inta aan isbaddalka la sameeyn.
Xilli uu Arbacadii ka hadlayay MPR News, ayuu Dayton sheegay in amniga dadweynaha uu wanaagsanaan doono haddii soogalootiga aan sharciyeeysnayn la siiyo shatiyada darawalnimada. Wuxuu sheegay in diidmadu ay tahay mid aan caqli-gal ahayn oo ay kala fogeeynayso soogalootiga iyo reer Minnesota-ha kale.
“Waa xumaan, waa midab takoor waxayna xoojinaysaa fikirkan aadka u xun ee hadda laga haysto dadka halkan ka soo galaya dalalka kale,” ayuu yidhi.
Dayton ayaa diidmada shatiyada ansixiyay iyadoo ku lifaaqan sharci miisaaniyad oo ka weyn. Wuxuu markaa ka dib ugu baaqay sharciyahannada Jamhuuriga inay ku baabi’iyaan amarka kalfadhi khaas ah oo aan qabsoomin.
Guddoomiyaha gobolka ayaa sidoo kale ku talo jira inuu isku dayo inuu tirtiro isbaddalo canshuureed ee uu ka soo horjeeday oo ku jiray sharcigii canshuurta ee Baarlamaanku ansixiyay sannadkii hore.
-
Lix siyaabood oo lagula tacaali karo toogashada iskuulada Mareykanka
BBC Somali: Ka dib markii 17 qof oo arday u abdan dhawaan lagu dilay iskuul ku yaalla Florida, ma laga yaabaa in tallaabooyinkan ay yareyn karaan dilalka ka dhaca iskuullada? -
Doodda ku saabsan xakamaynta hubka Mareykanka oo wali socota
BBC Somali: Madaxwaynaha dalka Mareykanka Donald Trump ayaa saxiixay amar lagu mamnuucayo isticmaaladda aaladda gacanta ka gaysta in qoryaha ay si daraandoori ah ay u dhacaan . -
Muwaadiniin Ruush ah oo lagu eedeyay faragelintii doorashada Mareykanka
BBC Somali: Madaxa baaritaanada farogelinta la sheegay in Ruushka uu ku sameeyay doorashadii ka dhacday Mareykanka, Robert Mueller ayaa saddex iyo toban qof oo u dhashay dalka Ruushka ku eedeyay inay ku lug lahaayeen farogelinta Ruushka uu ku sameeyay doorashadii ka Mareykanka. -
Ninka dadka ku laayay iskuulka Florida wuxuu ahaa agoon is ciilay
BBC Somali: Cruz ma uusan lahayn wax saaxiibo, qof kasta oo ay isla hadlaane ganafka ayuu galin jiray. -
Dugsiyada St. Paul oo miisaaniyaddoodu isdhintay $17 milyan
St. Paul Public Schools Superintendent Joe Gothard, St. Paul Mayor Melvin Carter, bidix, iyo St. Paul Federation of Teachers President Nick Faber at Galtier Elementary gudaha St. Paul, Minn. Evan Frost | MPR News
Solvejg Wastvedt , MPR News [In English]Dugsiyada degmada St. Paul ayaa saadalinaya in miisaaniyadda sannadka dambe ay isdhimi doonto $17 milyan.
Saadaasha miisaaniyadda oo lagu soo bandhigay shir guddi oo dhacay Talaadadii ayaa ah mid hordhac ah maadaama ay ku saleeysan tahay lacagta la isticmaalay sannadkan oo lagu sameeyay isbaddal ku saleeysan sicir bararka iyo isbeddelka dakhliga ee la filayo. Marie Schrul, oo ah madaxa maaliyadda ee iskuullada St. Paul ayaa sheegtay in la filayo inuu farqigu yaraado marka laga saaro kharashka halka mar la isticmaalo ee sannadkan.
Hase ahaatee, si loo buuxiyo farqiga waxaa la filayaa in wax la jari doono. Schrul waxay sheegtay in bilaha soo socda ay madaxda degmadu go’aan ka gaadhi doonaan waxyaabaha la jari doono, iyagoo ujeedadoodu tahay inay sameeyaan miisaaniyad dheeli-tiran.
“Marka hore waxaan maalgelinaa iskuullada, waxaanan miisaaniyad u sameeynaa iskuullada anagoo hubineeyna in ay shaqeeyn karaan markaas ka dib ayaan qoondooyin u sameeynaa barnaamijyada. Waa barnaamijyada halka aan ka raadino siyaabo kale oo hufnaan loo helo,” ayay tidhi Schrul. “Aad ayaan u wax yareeyn dhowrkii sano ee la soo dhaafay.”
Schrul ayaa u sheegtay xubnaha guddiga in degmadu filayso in dakhligu kordho $6.6 milyan oo ka imaneeysa lacag uu gobolku u kordhiyay arday walba iyo canshuur la ururiyay. Waxaa la filayaa in kharashka baxa uu kor u kaco $24 milyan, taas oo inta badan ka imaneeysa sicir bararka ku yimid mushaarka iyo dheefaha la bixiyo.
Schrul waxay sheegtay in miisaaniyadda ay ku jirto kordhis mushaarka macallimiinta oo ah boqolkiiba hal laakiin aan lagu darin kharashaadka kale ee la filayo inay ku kordhaan heshiiska qandaraasyada macallimiinta oo degmada lagula heshiiyay Isniintii sii looga hortago shaqo joojin qorsheeysnayd.
Inkastoo uu ku soo fool leeyahay isdhin, xaalka la saadaalinayo ee miisaaniyadda St. Paul ayaa ka roon kii sannadkii hore oo wajahay isdhin $23 milyan ah.
Schrul waxay sheegtay in macluumaadka miisaaniyadda laga heli doono bandhigyada bulshada loo sameeyn doono xilliga guga. Guddiga iskuullada St. Paul ayaa qorsheeynaya inuu June ansixiyo
-
Fannaanadda Canab Diiriye oo ka hadashay xaaladda fanka Soomaalida
BBC Somali: Fanaaniin badan oo caan ah ayaa beryahan danbe waxay u bayreen xaggaa wacyigelinta dadweynaha iyagoo riwaayado gaagaaban, majaajilo iyo heesaba ku soo bandhiga fariimaha ay u gudbinayaan bulshada, waxaana fannaaniintaasi ka mid ah Canab Diiriyee ileeye oo muddo dheer ku soo jirtay fanka.